De Optôchkemisie is verantwaordelik vur de organisasie van de
groëte vastelaovesoptoch, dae iddere vastelaovesmaondaag door de
Tegelse sjtraote trek. Heejbeej môt gedach waere aan ’t
ganse gebeure, vanaaf de insjriéving toet en met de priésóetreiking
nao d’n optôch.
’t Beej d’n tiéd haaje van de heejbeej huerende regelemente
nimp ein belangriéke plaats in, zoë as ouch de kontakte
met de gemeinte Venlo en de pelisie. Ouch is t’r ein ziër
good kôntak met de ‘Samewerkende Tegelse Bouwers Vereiniginge’,
hoë in de groëte wagebouwers zien vereinig.
De Optôchkemisie zorg ouch vur ein ônaafhankelikke zjurie,
die de zjwaore taak haet um, op basis van vastsjtaonde kriteria, de
optochdeilnimmers te beoërdeile.
Optôchkemissie:
Han Peters (veurzitter)
Marc Jaspers
Twan Ververs
Eric Wilbers
