Opgerich op 11 mei 2001 en gesjtart met 11 leeje die toën allamaol vraemde van mekaar waare. Ôngertösse is de kepel gegreüjd toët 17 muziëkmaekers die ‘nne hechte bangk met mekaar vorme.
Dees kepel is nauw verbônge met de moodervereiniging Vastelaovesgezelsjap
D ’n Oeles. Det wilt neet zegke det de kèpel beej alle
optraejes van Vg. D’n Oeles aanwezig is (of zoël môtte
ziën). In good euverlegk met mekaar wuërd jaorliks ’t
programma vasgesjteld. De samewerking die Vg. D’n Oeles met angere
Tegelse kepelle haet, waere volop gerespecteerd. ’t Sjteit de
kèpel vreej eige optraejes te regele en die môtte zich
wir neet biëte met ’t programma van ôs moodervereiniging.
Door ’t jaor haer wuërd d’r op dônderdigsaovend
gerepeteerd in Cafë de Aaj Mert van half nege toët half elf,
ônger leiding van Mark Jacobs. Aansjloëtend sjteit ’t
idderein vreej nag ein glaeske te dringke.
Daor naeve wuërd d’r vanoët de kepel zelf van alles
geregeld en of georganiseerd um d’n ôngerlinge bangk te
versjterke. Zôngermiër meug ’t jaorlikse bezeuk aan
de wiënfiëste in Pruëses ’n hoëgtepunt genump
waere.
Vanaaf d’n elfde van d’n elfde brik d’r ’n drökke
periode aan. Toët en met de vastelaovend zôndigmiddig (Receptie
van ’t Oeles-trio) ziën d’r gemiddeld zôn 15
optraejes.
De kepel haet ’n eige besjteur det besjteit oët 2 persoëne
met de volgende taakverdeiling:
Veurzitter: Marcel Stappen |
tillefoon: 077-3736622 |
Penningmeister / Sikkretaris: Roel Driessen |
tillefoon: 06-25484701 |
Höb geej vraoge of wilt geej miër weite euver ôs kepel den kent geej beej ein van dees 2 persoëne terech. Of kiek op:
www.tegelsblood.tk
