Wae of wat is de VOA?
VOA sjteit vur: Vereinigde Oeles Adjudante.
Wanniér woort de VOA opgerich?
De iërste beejeinkoms, op initsjatief van Ger Gerards en Frans
Geurts, waar op 17 november 1989 in de toenmalige Oelesresidentie beej
Lucker.
Wae waare de iërste besjteursleeje?
Efkes dingke… Op de vergadering van 28 september 1990 woort 't
iërste besjteur gekaoze. Det waare: Ger Gerards, tiédelik
veurzitter, Herman Denessen, sikkertaris en Geert Thissen, penningmeister.
Ken idderein lid waere van de VOA?
Nae, netuurlik neet. As det zoël kenne, den hat 't VOA nôw
al minstes 1000 leeje. Me ken aevel allein maar lid waere as me adjudant
is gewaes beej Vg. D'n Oeles.
Is 't waor det de VOA de sjnels greujende vereiniging is binne
de Oelesfemelie?
Det klop. Idder jaor komme d'r twië adjudante beej.
Is 't waor det de VOA genne veurzitter mier haet?
Hielemaol waor. Op 20 oktoëber 1991 noom Wim Beurskens de veurzittershamer
euver. Vanaaf daen daag wilt hae aevel aangesjpraoke waere as ‘prézident’.
Wat duit de VOA zoë door 't jaor haer?
Op de iërste plaats, saame met de SOP nao de Prinseresepsie gaon
op vastelaoveszôndaag. Ouch saame met de SOP hebbe we ens per
jaor 'nne fiésaovend. Verder ‘vergadert’ de VOA twië
kier per jaor. En,
zoë as 't beej 'n gôjje vereiniging huërt viere we ens
per jaor ôzze Cesielieja.
Wae zien op dit moment de besjteursleeje van de VOA?
Wim Beurskens, prézident, Theo Thurlings, sikkertaris en Geert
Thissen, penningmeister, en det al vanaaf d'n alleriërsten daag.
Haet de VOA ouch 'n kontakadres wao informasie ken waere
opgevraog?
Nae! Neet nuëdig. Vur verdere informasie verwiéze weej uch
nao pagina 56 en 57 van de Oeleskrant óetgaave 2001.
Wim Beurskens (Prézident VOA)
Theo Thurlings (Sikkertaris)
Geert Thissen (Penningmeister)
